【放手，放開所有】莊思明爆家姐不捨得食店 慶幸員工安全過渡
蘋果日報 2019/09/28 18:10
莊思敏莊思明江嘉敏
莊思明今日現身尖沙嘴出席開幕活動，向來有做美容和健身的她表示，最近較少時間健身，她說：「同其他女仔企埋一齊，就顯得我唔夠瘦。」問到是否遭男友楊明有投訴其身形？她笑言：「佢冇資格話我，佢咁大份，係歐美身形。」
提到和江嘉敏一齊報考電單車，兩人均順利通過強制試，莊思明表示考牌是為方便拍劇，又稱日後最多只會駕駛「綿羊仔」。提到江嘉敏與X先生的緋聞，最近更牽涉了鄺潔楹，莊思明稱自己不認識該男子：「我知道咗件事嘅來龍去脈後，覺得佢（江嘉敏）好慘。」有指該男子喜歡跟圈中人做朋友，她笑說：「可能我唔夠後生，佢唔鍾意。」另有指楊明早前稱要將她「封盤」，莊思明笑說：「我知佢咁講過，但仲差一啲誠意。」
至於其胞姊莊思敏有份投資的點心餐廳最近要蝕讓轉手，莊思明說：「好彩嘅係買家會一次過收留晒所有員工，唔怕有人失業。」家姐可感失望？她說：「冇辦法，3個月蝕150萬，唔開心一定有，始終有感情。」
採訪：曹家誠
攝影：林賓尼
攝影：林賓尼
（右圖攝影：林賓尼）
莊思明今天出席開幕活動﹐打扮得頗性感。