當年今日
關於我們

  劉金寶可甩身 - 李八方

蘋果日報 2003/09/08 08:00


唔好話中國共產黨冇進步,上個禮拜五中銀高姿態公開周正毅劉金寶案的調查報告,就做得好漂亮。呢一單醜聞,由劉金寶忽然失蹤、中銀忽然換總裁起,幾乎令成間銀行聲譽毀於一旦,重累死埋金管局、港交所以致整個香港金融中心,令人以為香港冇人敢管有背景的公司。好彩,後來補鑊工夫做得幾好,叫做應付咗個危機,而梁定邦更加立咗一功,第日實有着數。
熟悉北京情況老友話,睇份報告,只係話有人犯錯而冇人貪污,劉金寶應可「幸免於難」,當然亦冇機會再出頭。至於點解放佢一馬,真正原因係單案牽連太廣,愈查愈得人驚,咁就叫停算數啦,咪大家好。



傳真︰2623-9278
電郵︰[email protected]