當年今日
關於我們

【搵啱對策】成功糾正陋習 今鋪安仔搶分靠晒佢!

蘋果日報 2018/09/12 14:45

告東尼田泰安苗禮德招多福川河領駒利敬國

今晚(12日)賽事,上期同告東尼攜手合作豪取3W嘅田泰安,今期獲長期合作夥伴苗禮德力撐,第三場「招多福」擅跑新鮮感,連續兩季初出都喺安仔胯下贏出谷草1650米,今次亦照辦煮碗再戰一哩,希望食個番尋味。
真正考驗係第五場四班1650米匹「川河領駒」,呢匹馬喺四班頗具份量,上場亦喺同程贏馬,但安仔話隻馬太容易分心,賽前兩課泥閘特別重戴眼罩,希望隻馬唔好再東張西望。
喺8月21號嘅大閘,「川河領駒」表現只係一般,直至31號嗰課閘走勢明顯有進步,似乎搵啱方法,糾正陋習。
苗廄今季兩場頭馬都係由近期人氣急升嘅利敬國建功,睇下安仔可唔可以搶番啲分數,今季繼續獲倉主大力支持。