成軍31年繼續達明一派
阿達受明哥牽連 豁達一生無悔

蘋果日報 2017/02/21 00:00


【《蘋果》專訪】回望去,無後悔,奮鬥已學會!在香港成立了31年的達明一派,經歷過拆夥、重組、又拆夥,下月因開紀念騷再走在一起繼續追尋,劉以達笑黃耀明越老越開懷,明哥就笑阿達越來越肥;由於黃耀明的政治立場,令演唱會受到零贊助、海報被下架重重波折,明哥為連累隊友感抱歉,阿達卻豁達說:「我哋覺得做咗達明一派,我哋呢一生都無悔!」
長髮黃耀明和短髮劉以達31年前組成達明一派,由於形象鮮明加上歌曲前衞,《今天應該很高興》、《石頭記》、《禁色》及《忘記他是她》hit足多年,當年曾傳兩人不和拆夥,之後又重組再拆夥,現兩人為下月23至25日假紅館舉行的「達明一派卅一派對」再坐埋一枱,他們日前在中環接受本報專訪,更坐街頭重影30年前的宣傳相,身形不復當年瘦的阿達自嘲:「都幾得意,但辛苦啲,又蹺腳又蹺手。」
empty
達明一派日前在中環街頭重拍三十年前的宣傳相,黃耀明(左)笑拍檔劉以達越來越肥。攝影:周樂恒
「迎難而上」
明哥因撐雨傘運動,不但令演唱會零贊助,出現在海報上的台灣天王周杰倫,因擔心影響內地市場而反映想海報下架,今次達明開騷日子偏又撞正特首選舉周,似乎政治找上了達明!明哥說:「其實2012年達明一派演唱會都係同社會好緊扣,唔知點解政府畀呢個期我哋,哈哈!唔係我哋特登揀,避都避唔切,所以係天注定,我哋迎難而上。」
對於演唱會沒贊助,明哥對阿達說:「唔好意思,害咗佢,原本冇人敢掂我啫,我最近傾緊一個同廣告有關嘅嘢,最後都係冇咗,因為我嘅身份,霸權建制夾手夾腳要你封嘴,我覺得係好恐怖趨勢。」阿達卻說:「我哋預咗,達明一派本身冇計,佢都話害咗我,但自己個人暫時未有影響。佢做嘅嘢係啱,冇所謂。我哋覺得做咗達明一派,我哋呢一生都無悔!」
empty
推出30周年唱片的達明,刻意用當年的舊相做封套。
empty
達明當年形象前衞,歌曲《今天應該很高興》及《禁色》等大受年輕人歡迎。資料圖片
用音樂溝通
達明以前曾傳不和,究竟兩人是否老友鬼鬼?阿達說:「基本上我哋用音樂溝通,有習慣一年出嚟一兩次飲嘢或食飯。」通常焦點放明哥身上,阿達會否感到被冷落?阿達說:「唔會,佢講晒,我咪可以飲吓嘢先。」明哥笑說:「最緊要夢遺大師一出,焦點就去晒佢嗰度,所以唔使驚。」
問到相識30多年,覺得對方最大改變是甚麼?阿達說:「明哥越嚟越開心,唔係話佢以前唔開心,只不過做人開懷咗,可能老啦!佢一直以嚟衣着方面都係講究,由我識佢到𠵱家都係冇變。」明哥就說:「我覺得佢有段時間冇咁開心,佢𠵱家開心好多,我諗同佢信仰有關,放開咗,對我嚟講佢係冇乜大變,只係體重變咗。」
採訪:余燕儀、余傲芝、馮國康
攝影:周樂恒、郭賢興、馮峰、Neo
化妝:Vanessa Wong
髮型:Ivan lee of Headquarters
場地提供:Jinjuu of蘭桂坊
empty
下月達明在紅館開紀念騷,宣傳海報卻被周杰倫反映想下架。
empty
阿達(左)坦言不介意多年來焦點放明哥身上,反指自己安於沉默。
empty
86年出道的達明一派,選擇了一條偏鋒的電子音樂路。
empty
明哥說達哥三十年如一日,除體重以外;達哥則說明哥做人開懷了不少,但對衣著從來都非常講究。
empty
達哥不介意鎂光燈常落在明哥身上,還笑言「佢講晒,我咪可以飲吓嘢囉」
empty
事隔30年再做同一個pose,都沒太大難度
empty
曾經是前衛先鋒的代表,到今天追求的是思想與價值觀的前衛
empty
下月23至25日就舉辦《達明卅一派對》演唱會,但之前因政治敏感下架以及沒有品牌願意贊助,可謂一波三折
empty
「我們再去做任何嘢都唔係為證明乜嘢,大家唔再覺得我哋前衛同受歡迎,冇咩所謂,我們自己覺得好玩就夠」