早前梁芷珊為逆權運動，重新填詞寫咗《全人類覺醒》，原來內容唔單只係俾香港人睇，更加係比佢嘅法藉男友Olivier睇。芷珊話之前男友投訴香港成日有示威，因為佢打工間酒店餐廳開張，擔心會影響生意，於是芷珊索性將示威原因寫成歌詞，憑歌寄意，令男友了解香港發生緊乜嘢事。

上年聖誕節，芷珊曾經同男友分手，5個月之後再復合，令佢明白兩個人溝通，都要有一定距離。

而且，芷珊依然睇好香港，最近仲逆市投資700萬搞飯盒生意，「我也會想，如果我是消費者，最近我會需要甚麼，現時的外賣程式發展已經很好，落單方便，送亦很有效率，而最近我們的生活習慣，也因政局、心情，也未必有心情去計畫到哪裡吃飯，或會突然會吃外賣，我在想如能將優質的飯盒，每天送到你的枱上，相信其他人的心情也會好點。」

男友有無幫你手呢？「告訴他我午餐喜歡吃甚麼，請他寫了一些菜譜給我，然後我與chef lab的同事研究，Olivier在百忙中回來為我做品質檢查。」

飯盒有咩特別地方？「我們的飯盒，首先會有雜穀飯，會有一些蔬菜，我很堅持送到大家手上時，蔬菜也不會變啡色或綠色，所以精選了意大利青瓜，意大利黃青瓜及澳洲蘿蔔，所以有黃橙綠3個顏色。其實我們的餸菜，每一款餸，在包裝上會有真實的外觀，所以訂了5盒飯盒或6盒飯盒，毋須打開後才知屬於誰，例如有人訂了蘭杜豆香腸飯，包裝上已經有蘭杜豆香腸飯的外觀貼紙。」

都好重料喎，咁啲飯盒最平賣幾錢呢？「例如這個蘭杜豆香腸飯，非常的飽肚，售68元。湯的售價是45元，我不清楚是貴或是便宜，但我們是用很好的材料，例如蕃茄湯，部分蕃茄湯可能會用上茄膏去製作，但我可以保證，我們是用新鮮的蕃茄，很足料。」

芷珊搞呢壇飯盒生意，認真仆心仆命，唔單只係自己facebook宣傳，仲拎埋去俾杜汶澤食。日前仲請葵廣位逆權果汁店老闆加盟，結果大量網民力撐，唔單只話芷珊夠義氣，仲話佢係真女神。

-----------------------------

【你爆料，我課金！】

爆相：$500　 爆片：$1,000

分清黑白 壹齊揭穿社會黑幕！

詳情： https://s.nextmag.hk/e/zg7VUk287Z

-----------------------------

【壹週刊Telegram，與港人同行，每日為你推送抗爭現場實況】

一手報料： https://t.me/nextmaghk

最新消息： https://t.me/NextPlushk

-----------------------------

【升級壹會員登記站 為你解疑難！】

沙田、旺角、荃灣、觀塘、銅鑼灣5區為你服務

詳情： https://s.nextmag.hk/e/Tssefy687Z