好鍾意自拍嘅梁齊昕，喺7.1呢個重要日子，都有現身噃。當然，八方唔係喺7.1遊行隊伍見到佢，而係喺佢Instagram，一睹佢最新風采。

齊昕喺今日下晝約四點半上載一張相，講明正身處禮賓府，明顯想話畀大家知，佢冇去遊行（即係唔支持踢走689呢個主題），佢仲用個app將佢同梁振英嘅樣整到大眼大面、仲整多幅眼鏡扮cute。

網民一見齊昕咁有興致，除咗叫佢快啲出嚟遊行，都好唔客氣咁留言鬧爆梁振英，而且言詞毫不客氣，齊昕都好有孝心，刪晒鬧佢老竇嘅留言。其後齊昕再上載戴住太陽眼鏡嘅嘟嘴自拍相，仲話要送上條厚唇畀朋友，真係好重口味噃。