武漢肺炎令全球好多地區賽馬都停擺，香港係少數馬照跑嘅地區，頂吓頂吓話咁快又就嚟煞科。

依家唞暑只得大約個零月，上季煞科後都叫做唞咗兩個禮拜，馬仔先至重新展開操練，不過今季好似連呢兩個禮拜都冇埋。

今季原定喺7月12日星期日煞科，不過由於補賽關係，所以順延至7月15日星期三於快活谷晚上煞科。

而且到時會係馬不停蹄，翌日16號星期一早上隨即就會新馬季開操，泥地兩條跑道如常開放，所以今年基本上已經冇咗唞暑呢回事。

其實呢個安排都好正路，因為現時14日居家檢疫令未知何時取消，一班騎練及馬圈中人想趁暑假去外地happy吓都難。

新思維下就會有新玩法，馬圈班騎練收入一向豐厚，冇時間畀佢哋去放假充電，佢哋自然就唔係咁開心。

不過，依家去邊度玩，冇得飛最多咪去行吓山或者玩吓啲咩challenge，玩得多都悶喇，咁不如搵吓錢好過。

而且你睇番今季，本地賽加埋轉播賽真係插針都唔入。

如果暑期都跑馬，拉長戰線下，聖誕同新年可以安排空檔，或者要嚟補賽者都得，大家都可以有啲唞氣位，係WinWin雙贏。

其實澳門馬場一早已實施緊類似安排，佢哋僅有300幾匹現役馬，唞暑只有兩星期左右一樣夠馬報名跑，相比香港有千幾匹馬點會唔夠子彈應付。

不過數係咁計啫，成唔成事最後都要睇政府OK唔OK。

--------------------------
邊個話財不入急門？
需要周轉嘅時候幫到手，先叫做應急囉！
邦民日本財務急你所急，只需要一個手提電話號碼同一張身份證 ^# 就可以申請貸款。
新客仲有迎新現金獎高達HK$3,500 ^▲ 添！
貸款額全數過戶，絕無手續費。
立即申請 : https://bit.ly/2ANcJlS

須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1140/2019
查詢及投訴熱線：3199 1199