由杭州銘盛影視文化有限公司出品嘅懸疑動作電影上月24日喺杭州開機，演員有星爺御用反派程東、林震同李蓉兒，導演係蔣永忠，上周三(1日)，部戲《惡循環》喺杭州雙浦鎮靈山村大塢盆地發生嚴重車禍，一劇組道具車翻側。據官方公佈資料顯示，最少有14人受傷，另有劇組人員在朋友圈爆料有3個武師、一個化妝師、一個場記共5人當場被撞死，但有指劇組受到壓力要調低傷亡人數。

今日《蘋果》收到消息程東都喺現場拍戲，仲受咗傷，搵咗佢大半日，終於搵到佢啦！佢話出事套片佢係有份，不過佢冇事避過一劫：「出事嗰日場戲我冇份拍，嗰日係試車出事。發生咁大件事梗係要停工，總之祝套戲工作人員平安大福，身體健康。」程東對傷亡人數都唔肯點講，只係話電影公司透露話今個月12日復工，佢話復工係好事。

精選娛聞，喺晒《娛果》
http://fb.com/appledailyent