就香港舞台藝術從業員工會舉行記者會,《蘋果》昨日致電舞台劇演員及導演甄詠蓓問其看法,甄詠蓓表示同意工會意見,她說:「例如講到政府建議劇團轉喺網上播出,但有好大限制,而且要技術同經濟上支援,所以政府應該幫手。」甄詠蓓指業界在這一年已經用盡方法去應對,做得好叻,有製作公司更「齊上齊落」,因應演出場數收取酬金,但現時情況嚴峻,進入油盡燈枯境界,應該是政府主動出手幫手的時候,她說:「首先當然係經濟補助,而我哋本身有好多自由工作者,其實可以透過各種組織去現金資助佢哋,例如後台工作人員協會、香港戲劇協會等,又或者靠之前功能組別投票嘅人去認證,咁就唔怕重複。」