日本男星堺雅人同高畑充希合作新片《DESTINY 鎌倉物語》將於12月9日上映，宇多田光宣佈將為電影獻唱主題曲《你》。

改編自人氣漫畫嘅《DESTINY 鎌倉物語》，講述由堺雅人與高畑充希飾演嘅兩夫婦，生活喺人妖神共存嘅鎌倉市，決心解決各樣奇怪案件，演員陣容仲有堤真一、藥師丸博子、三浦友和、安藤櫻同中村玉緒等。宇多田光受導演山崎貴所託為電影寫主題曲，佢話自己出道日咁啱都係12月9日，覺得好有緣所以一口答應，而今次電影講妖怪嘅奇異世界，所以佢寫歌時都有加入咗呢類嘅元素。