日本歌手濱崎步曾經喺亞洲樂壇呼風喚雨，今時今日無論事業抑或感情都唔多如意，但唔衰得嘅步姐為迎接明年加入樂壇20周年，宣佈今年舉行60場巡迴個唱「Just the beginning-20- TOUR2017」。

趁巡唱前呢段時間，步姐仍要周圍飛，日前去完巴黎後，原來佢又到咗韓國首爾，偕同好拍檔於當地大展震音歌喉，38歲嘅步姐穿上低胸晚裝扮到靚靚咁出席，又一次製造出爆乳效果。

步姐近年不時於Instagram公開靚相，慣性拋胸嘅佢被指再度發育，上圍離奇升cup成為熱話。不過步姐早前巨乳無啦啦消失，雙乳又疑似呈現八字波，今次再現澎湃效果，果然變幻莫測。