「半年喇!一直冇覺好瞓!環保署都證實呢度嘅分貝已經超晒標;投訴咗先至有少少改善,都唔知重要忍到幾時?!」
梁先生向記者大吐苦水,他憶述本年三月買下單位,四月開始裝修。裝修期間,他往視察時,無意中發現天台傳來「隆隆聲」噪音,追查下,證實乃來自天台的兩個加壓水泵。
「成家人都好煩」
他隨即向大廈業主立案法團反映,並同時求助於環保署,經該署人員到現場量度後,證實有關加壓水泵發出的噪音已超出法定的分貝規限。
自言大受困擾的梁先生續稱,雖已向法團及環保署反映,惟噪音仍然持續。
「成家人都好煩,日頭集中唔到精神做嘢,個女完全溫習唔到;夜晚就更辛苦,食餐晚飯都唔安寧,最噪就係夜晚七點至凌晨嗰段時間!」
記者曾到上址視察,由於日間大部份住戶均外出,較少人用水,但亦偶爾聽到天台水泵傳來「嗚嗚」聲響,持續數秒後發出機「bomb一聲」。