2018世界盃下年殺到，今年12月1號就會進行分組賽抽籤，而種籽排名就係根據啱啱今日公佈嘅世界排名排隊，除咗東道主俄羅斯外，世盃其他7支頭號種籽，就係順序世界排名頭7位嘅德國、巴西、葡萄牙、阿根廷、比利時、波蘭同埋法國！

而鐵定排第2種籽嘅，就有西班牙、英格蘭、墨西哥、烏拉圭、哥倫比亞，其他就要睇埋世盃外同餘下附加賽決出嘅球隊喇！

球迷或者質疑點解波蘭有份，事關佢哋世界排名高達第6，所以咪話外圍賽冇用！就連秘魯如果喺附加賽解決新西蘭，佢哋都會列入2號種籽，因為佢哋世界排名第10位架！