【唔見湯洛雯】羅天宇32歲生日開BBQ派對 林師傑叫他搵個好女仔
蘋果日報 2019/10/01 17:35
生日羅天宇湯洛雯
（IG圖片）- 湯洛雯表示為了減肥，不吃生日飯。
- 林師傑叫羅天宇︰「搵個好女仔。」（IG圖片）
- 曾演他妹妹的「馬子妮」蔣家旻來賀哥哥。（IG圖片）
- 「馬壯」黎諾懿都有出席。（IG圖片）
- 昨晚一班好友同羅天宇慶祝生日。（IG圖片）
今日32歲生日的羅天宇，昨晚和一班同事及好友開BBQ party慶祝，今日他在社交網分享昨晚開party的相，並留言︰「Thank you for all the love.」其舊愛湯洛雯（靚湯）則沒有出席。
至於最近傳與劉愷威秘戀的湯洛雯，今日出席活動時表示收到不少人的恭喜，她說：「我現在真係單身，傳咁多緋聞會嚇退我啲追求者，希望下次收到大家嘅恭喜時，係真的。」提到前男友羅天宇今天生日，靚湯指自己會發訊息給對方祝賀，但就不會約對方吃飯了：「因為我要收身，食生日飯太豐盛，我唔想面對呢個誘惑。」
昨晚羅天宇的3位好兄弟、「跳躍F4」成員何廣沛、郭子豪和張彥博，以及之前在處境劇《愛‧回家》中合作的「馬壯」黎諾懿、「馬子妮」蔣家旻，及好友「上官飛」林師傑都有出席。
林師傑在社交網分享與壽星仔及蔣家旻的合照，並留言︰「唔知親兄妹咩感覺，但如果似咁樣，都真係幾好。羅天宇生日快樂，生生性性，唔好亂使錢，搵個好女仔，多發掘自己鍾意嘅事，亦多做為自己好嘅事。以上我同蔣家旻心聲vo。」
至於劇中演過他妹妹的蔣家旻，亦在社交網分享謂︰「哥，生日快樂，大家喺彼此最青澀嘅時候開始....合作，一拍就拍咗四年....劇（我嘅青春畀晒佢），2x歲同佢相處，睇住佢變化，越來越成熟，越來越靚仔，越來越大隻，溫柔體貼嘅同時，開始識對住我講大話同玩我，不過我睇穿晒佢嘅大話，我願意配合呢位壽星仔，我一直好想要一個哥哥，好彩今世仲有機會，你要繼續努力，加油！等你養埋我，拜託！PS. 我同林師傑嘅心聲vo，好好記住。」