趙學而同黃翊今日喺銅鑼灣皇室堡出席徐夕音樂派對，兩人相識多年，第一次同台合作，仲互笠高帽，學而話：「我入行嘅時候翊哥已經係出名嘅零瑕疵歌手，所以今次好緊張，好掛住翊哥funny開朗嘅個性。」 黃翊又話當年已經好留意學而呢個女仔，仲話佢唱歌令到佢好陶醉咁話，今次係黃翊復出嘅第一次演出，問到明年將會開首個個人演唱會，黃翊話：「會開呀，已經5條嘢、入五(踏入50歲)，係人生一個重要嘅年份，想做一樣自己真係想做嘅嘢，將來望返返轉頭，叫做威過吓，畀個仔睇吓威吓。」

佢哋都話好開心開到呢個音樂會又搵到錢，係今年最後一個工作，學而就話正式收爐，黃翊就搞笑話：「我都收皮嘞！」學而聽後大笑話：「 真係大吉利是，啱啱出返嚟就話要收皮，佢講今日啫。」黃翊就話自己百無禁忌，仲祝大家樣樣都好、身體健康。

更多娛聞，喺晒《娛果》
http://fb.com/appledailyent

【minigame】2017瘋暈人物 返工打機唔使擇日
http://bit.ly/2CeWQkP