有鄉事派消息人士透露，早前有鄉紳不滿周融「喧賓奪主」，踩入鄉議局大樓搞反佔中宣傳，據知周辯稱「唔知情」，又稱聯盟公關程介南會與劉皇發直接溝通，安排鄉紳參加反佔中遊行。
據知鄉事派成員致電程介南，要求安排劉皇發於遊行龍頭獻花，程曾承諾會「馬上畀電話發叔」，但劉皇發一直沒有收到程的電話，結果再次觸怒鄉事派，批評周融及程介南「毫無誠信」、「對鄉議局毫無尊重」，劉及部份鄉委會主席決定不去8.17遊行以及到中環獻花區獻花，以示不滿，並且已經通知中聯辦。
另一消息人士表示，程可能知道開罪了鄉事派，昨日急電劉皇發「補鑊」，但劉稱「要聽醫生吩咐」，表明今日不會出席。劉皇發昨日接受本報查詢時，未有否認缺席8.17活動，只說「聽日咪清楚囉，我要問醫生，聽醫生意見，我已經幾十歲，健康重要」。
至於周融及程介南是否有就獻花安排與他聯絡，劉皇發就指「我哋有幾多人遊行吖？我哋冇乜點聯絡」。有村長也對反佔中大聯盟的遊行安排充滿怨氣，直指「點解民建聯班人有錢收，我哋搵啲幾十歲嘅村民遊行，一封利是都冇，只可以飲茶攞單（報銷）？」批評大聯盟做法厚此薄彼，看不起新界人。