【唔愁冇拖拍呀】湯怡幫洪卓立宣傳演唱會 11年感情復合前奏？
蘋果日報 2019/07/08 18:27
洪卓立復合湯怡回到最愛的那天
- 湯怡今日在IG替洪卓立宣傳演唱會，莫非是復合前奏？（IG圖片）
- IG上都是生活相，沒有拍拖痕迹。（IG圖片）
- 湯怡分手後至今仍單身。（IG圖片）
- 立立要宣傳新歌及下月演唱會，他今日透露銷情理想。
- 他多謝湯怡幫手宣傳，會請全公司睇騷。
洪卓立上年底宣佈與拍拖11年的湯怡分手，好多人都戥這段感情結束可惜，不過情況可能有轉機了！
立立下月在旺角舉行「回到最愛的那天」演唱會，除了演唱會名令人遐想，湯怡亦放下介蒂，在IG Story替前度宣傳，非常貼心！立立要為演唱會做準備，亦要宣傳新歌《鬚根》，新歌MV中有一幕剃鬚流血有特別含意，隱喻人會經歷傷心事，但都要勇敢向前行，往事其實都只是微不足道的過眼雲煙。立立亦有到商台宣傳新歌，他透露演唱會銷情理想，又多謝前度幫手宣傳，但不會刻意請對方睇騷，但會大包圍請公司同事睇。
湯怡自從分手後，曾經被指戀上陳家樂及figure王蘇卓航（Eric So）胞弟，不過都只聞樓梯響。湯怡單身生活就貼出好多旅行相、運動相、小朋友相及狗仔相，以湯怡條件，根本不愁冇拖拍呀！