麥明詩今日在灣仔出席活動，目前在科大修讀行政人員工商管理碩士（EMBA）課程的劉思希被指學歷高，畢業於牛津的林作就反問科大在全球排行第幾，又表示好多人都學歷高，認為香港人對學歷的過度崇拜（新聞連結： https://bit.ly/2TkTp77 ）。對於舊愛的評論，麥明詩表示認同對方的說法：「讀商科學位要好多平台同機遇，如果講學歷，我會注重知識上嘅追求，我讀法律，以一個傳統方法去睇，法律都唔夠一個純學術性嘅學科，我覺得讀大學係為咗知識嘅追求，當我哋去讀實務性學位嘅時候，實質係冇咗對學術知識嘅追求，我讀法律都係比較實際嘅學科，如果有得再揀，我都揀純學術學科，咁就可以更加訓練到自己嘅思維能力，睇嘢更加深入啲。」

追問在科大讀EMBA是否不算是高學歷？麥明詩面露尷尬之色地說：「佢（林作）講咗樣嘢好啱，亞洲社會太過着重學歷，要張沙紙，我都好慶幸自己有呢張沙紙，但係做得娛樂圈幾年，都知道其實唔係咁緊要，唔係唔緊要，學歷係自己對自己嘅追求，但大家唔應該用呢樣嘢去衡量一個人嘅價值。」與林作的思想都頗一致，麥明詩即笑說：「呢樣嘢係你講！高低學歷係自己對自己嘅追求。」

提到有網民質疑林作在IG寫自己『可能係娛樂圈學歷最高嘅人』，麥明詩解說：「我冇好研究佢嘅社交媒體，我而家都冇follow佢，但我覺得可能要考慮佢係用修辭手法，例如詼諧、諷刺。」

另外，麥明詩指自己年紀漸長，都要開始懂得裝扮：「我知道過咗身嘅婆婆留咗好多首飾畀媽咪，我覺得而家可以carry到，就可以戴番婆婆留落嚟嘅翡翠，因為過咗身嘅公公以前係賣珠寶首飾，當年買咗好多畀婆婆，其實我冇見過婆婆，但媽咪話佢同我一樣都好鍾意扮靚。」

講到如果將來有小朋友，可會將珠寶首飾承傳給下一代？麥明詩表示：「會，媽咪唔係好貪靚，所以佢好大方咁成日叫我戴，但我可能會攬住先，不過唔知呀，可能生咗仔女，諗法就唔同。」有否想過繼承公公的事業，學習有關珠寶首飾的知識？她說：「冇咁諗，但而家都想學，做藝人出席活動，戴幾多卡、幾百萬，我覺得咁睇就單面咗少少，為咗喺眾女藝人之中突圍而出，係要諗啲特別嘢，如果識睇翡翠，喺藝術性角度去睇，咁就顯得特別有氣質。」

精選娛聞，喺晒《娛果》
http://fb.com/appledailyent

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb

第二屆最港電影大獎投票網址
https://bit.ly/thekongestfilmawards2018