網上媒介越嚟越融入生活，家陣廣告公司幫客搞宣傳有趨勢由offline移多啲到online，喺內地叫「露得清」嘅Neutrogena護膚品，近日就搵咗央視（CCTV）嘅節目女郎趙詩夢做主角，仲有神秘又紅爆嘅blogger做代言人玩realityTV喺網上播，度咗一系列"webisodes"，你冇睇錯，係webisodes唔係episodes咁out喇。至於嗰6段短片係講兩個女仔遇到唔同嘅生活疑難，例如愛情、扮靚、護膚等煩惱，然後由網友幫佢哋互動解答，仲歡迎網友交流吓自己嘅煩惱㖭。