台灣歌手潘瑋柏8月6號就34歲生日，今日佢就喺灣仔同120個fans預祝生日，順手就慶祝埋入行12年推出第十張專輯，潘瑋柏仲話自己永遠都係26歲。

問到潘瑋柏會點慶祝生日，佢就話：「不太過生日，工作中過，今年在香港，沒特別準備，十幾歲開始不太過，對節日沒太大慶祝。」咁生日願望係咩呢？佢話十月台灣小巨蛋演唱會成功，希望未來有多10張碟。

咁潘瑋柏對緋聞女友建築界千金楊馥瑜有冇願望？佢話：「對女性沒特別願望。」仲講笑話對男性先有。想唔想結婚？佢話：「還未，一個人過蠻好。」不過佢就唔透露係唔係單身，係咪結婚先公開？佢話：「找到對的人就跟大家講，現在網絡社會多人說話，所以不想多講私人事。」

講到高雄氣體爆炸災難，潘瑋柏話冇親友喺當地，對事件感到難過：「半夜看到很驚嚇，為他們打氣加油，當地人有需要會支持到底。」