【3,000個飯盒】Rubberband「維穩騷」酬勞買飯票 仲想親自派飯！
蘋果日報 2014/08/07 06:00
蘋果即時RubberBand區區有飯開benson
- 「泥鯭」親自「落區」攞收據，佢仲話佢哋想試下親自去派飯。(BensonTsangfb圖片)
- (BensonTsangfb圖片)
- 維穩騷當日五子著上寫著「NO」的T恤，向政府說不。
樂隊Rubberband(RB)同埋Mr.喺舊年7月1號參演「維穩騷」，不過一向敢言據理力爭，「身在曹營心在漢」嘅RB喺台上唱出多首反極權嘅歌，又力爭2017雙普選，佢哋當時仲承諾會將當日所收到嘅酬勞捐出嚟添，處理方法備受讚賞！
咁RB將酬勞捐出嚟呢件事隔咁耐，大家係咪都想知佢哋找咗數未呢?答案係數已找。RB喺轉折嘅渠道下知道有「區區有飯開」呢個平台，佢哋詳細了解咗行動理念後決定將表演酬勞分享喺呢個平台上，將金錢資源散落喺各區小型食店，令各區老人家同有需要人士多一餐溫飽。
佢哋用當日嘅$72000酬勞買咗36張面值$2000支票，支票將會直接喺「區區有飯開」全香港36間小型食店購買飯票，之後會一張一張送俾各區老人家同有需要人士，計一計，平均每一個飯盒$25，呢度就有總共接近3000個飯盒！認真有意思又實際！
而日前「區區有飯開」飯票集合後該平台嘅負責人就將收據交番俾RB，點知去拎收據嘅「泥鯭」竟然話想同其他成員試下落區派飯票，做善事捐錢後都唔假手於人，RB真係抵讚！
咁RB將酬勞捐出嚟呢件事隔咁耐，大家係咪都想知佢哋找咗數未呢?答案係數已找。RB喺轉折嘅渠道下知道有「區區有飯開」呢個平台，佢哋詳細了解咗行動理念後決定將表演酬勞分享喺呢個平台上，將金錢資源散落喺各區小型食店，令各區老人家同有需要人士多一餐溫飽。
佢哋用當日嘅$72000酬勞買咗36張面值$2000支票，支票將會直接喺「區區有飯開」全香港36間小型食店購買飯票，之後會一張一張送俾各區老人家同有需要人士，計一計，平均每一個飯盒$25，呢度就有總共接近3000個飯盒！認真有意思又實際！
而日前「區區有飯開」飯票集合後該平台嘅負責人就將收據交番俾RB，點知去拎收據嘅「泥鯭」竟然話想同其他成員試下落區派飯票，做善事捐錢後都唔假手於人，RB真係抵讚！