噚晚無綫播出嘅《我的2012》，唔止古明華喊，去年與黎芷珊分手嘅男友張達倫受訪時，亦一度哽咽﹕「2012年或者有好多變化，或者有唔開心嘅嘢，但都好有好多開心嘅嘢，咁…希望你嚟緊更加好，係啦，我永遠都會支持你。」講到「都好有好多開心嘅嘢…」時，張達倫已經語帶哭音。芷珊睇到呢條片時，亦哭了。「都啱嘅，佢係一個好清楚我性格嘅人…(抹淚)，佢係一個好好嘅朋友，好清楚我性格，我任何嘢都可以同佢講。」提到去年憑《最佳男主角》贏盡掌聲，同時與拍拖多年的男友分手收場，哥哥更因心臟病發猝逝，芷珊悲從中來﹕「有時好難平衡到自己心理…(哭)」

同芷珊識於微時嘅周星馳，亦有接受訪問。星爺話﹕「芷珊，我真係恭喜你，同埋我覺得係……你係…冇得頂嘅。拿，我唔係依家啦，我一早已經話你冇得頂0架啦，你唔信我，係咪，嗰陣時候，咁你依家知我嗰陣冇講大話啦。」芷珊笑言星爺係卅幾年前講，星爺話﹕「邊有卅幾年前？四十年前呀﹗」終於令芷珊露出燦爛笑容。

學《少林足球》阿星安慰阿梅所講﹕「你是最好的，你知道嘛﹗」