十四歲原就讀中二的譚澤霖，去年四月罹患骨髓細胞血癌，經多次注射干擾素及服食化療藥物，仍無法殲滅頑強的癌細胞。早前，香港骨髓捐贈基金為澤霖在美國覓得脗合的臍帶血，令其生命露出一線曙光，惟家境清貧的譚家，無力支付二十萬元的付運費用，急待善長伸出援手。

月前，澤霖的病情由急性再次轉為慢性血癌，院方遂允許他返家休息，但需定期往返醫院覆診及服藥。剃光了頭髮的他，顯得精神奕奕，心情亦較住院時開朗得多，他俏皮地向記者笑說：「出咗院之後，我返咗四日學，覺得返學好好、時間過得好快，唔使坐喺屋企咁悶。」自患病至今，他闊別校園近半年，能夠再次踏足課室，他表現得十分雀躍，並興奮地續稱：「入到班房，啲阿Sir同埋Miss個個都問我幾時返學，重有同學摺咗一樽幸運星、同埋送啲公仔畀我。」

「要畀20萬好困難」
深得父母疼愛的澤霖是家中獨子，譚太任職家務助理，其夫則從事巴士司機十多年，夫婦月入不多，惟一家三口生活尚算安穩。
不料，去年三月尾，澤霖因為經常感到疲倦及體重驟降十多磅，四月初經醫生證實患上慢性血癌。由於白血球過多壓着神經線，令視力受損。十二月尾，其病情突變為急性血癌，須即時入院進行化療以控制癌細胞。
「可以盡快做手術梗係好，但又好擔心佢換臍帶血會辛苦，其實要我哋畀二十萬真係好困難，以前我哋都可以儲少少錢留畀佢讀書用，不過自從阿仔病咗之後，𠵱家每個月都冇錢剩。」四十多歲的譚太憂心忡忡地說。
譚太表示，每月除了購買營養食物予澤霖外，還要支付其住院費用。同時，為了避免細菌感染，每次往返醫院覆診都要乘搭的士，車費開支極大。