每年一度在洛杉磯舉行的E3遊戲展上星期結束,除了有一大堆新game公佈,機迷也可以預測遊戲業界未來的發展。Sony社長吉田憲一郎5月事先張揚PS4已進入晚期,會用3年時間準備下世代遊戲主機。不過咁講唔係叫大家等新機,晚期同樣亦代表是成熟期,今年E3一眾新遊戲的水準高到嚇親人。當中包括了像《The Last of Us Part II》(簡稱《TLOU 2》)等開發多年的名作續集,相信各廠將會出盡底牌,迎接進入PS4/Xbox One年代的最後黃金期,買機一定唔怕遲。
由波蘭團隊CD Projekt Red開發多年的《Cyberpunk 2077》冇試玩、冇預定日期,單靠宣傳片都搶盡風頭,除了因同班底的《The Witcher 3》享負盛名,更因其獨特態度。隱藏於宣傳片的公開信講明堅守單機開放世界玩法,出DLC唔收錢之外,更反諷單機game畀錢買裝備是「儍的嗎?(are you nuts?)」近年很多人指手機遊戲會取代家用機,又或者打機一定要玩對戰搞電競。係,潮流會變,但遊戲和其他娛樂性質的創作一樣,創作者絕對能影響市場,有態度、有熱誠,受眾機迷一定feel到。在目前,PS4晚期反而越來越多新開發團隊湧現,只要仍然有一班遊戲職人,唔好話家用機唔會死,甚至唔上網嘅單機遊戲都一定仍有生存空間。
記者、攝影:司徒港燊
全新旅遊專頁,即like籽想旅行: https://fb.com/travel.appleseed
E3場內的PS4展區公佈了各大遊戲的最新消息。
每年於洛杉磯舉行的E3遊戲展為遊戲界盛事,今年入場人次達69,000人。
《The Last of Us Part II》遊戲畫面,接吻場面透露了業界最新技術。
PS4預計要在3年後才會推出後繼機,圖為會在6月推出的《Jurassic World Evolution》PS4主機。