每當聽到AO廣播處長，好多人都會耍手擰頭，因為諗起鄧忍光嘛。其實港台以前都試過有AO處長嘅，嗰個咪就係𠵱家喺民政事務局做緊副秘書嘅傅小慧囉，當年佢做處長嘅時候，港台員工都有好大意見，但交手耐咗，發現傅小慧唔係壞人，起碼肯聽意見，於是漸漸就接受咗佢。
口講無憑，噚日傅小慧親身證明咗喇，話說佢現身「家是香港」嘅「唱起香港」活動嘅時候話，民政局好重視青年人意見，好似佢咁，為咗了解青協有乜嘢活動值得推介畀青年人，於是就問局裏面一位剛剛大學畢業嘅青年同事意見。八方可以想像，嗰位同事霎時間答上司嘅問題未必好受，但傅小慧肯去問已算抵讚。