韓國神劇《太陽的後裔》嘅宋仲基同宋慧喬10月31號舉行世紀婚禮，雙宋婚後展開蜜月之旅。

日前宋仲基就撇甩老婆嚟咗香港擔任年度盛事《MAMA音樂頒獎禮》嘅主持，喺香港逗留四日三夜後嘅宋仲基即飛返韓國交人。

而早前有傳媒報道雙宋喺婚後會到宋仲基嘅家鄉大田拜訪家人，雖然唔知雙宋係唔係去完蜜月之後即撲到大田見家人，但噚日有網民就喺大田捕獲宋仲基，據網民指宋仲基到大田一間著名餐廳食飯，飯後仲好友善同餐廳嘅老闆同埋佢個女影相，唔知喬妹有冇跟老公一齊返咗去大田呢？

更多韓流，喺晒《娛果》
http://fb.com/appledailyent