何超儀去到商台為12月推出嘅新碟《搖滾妹子》宣傳，最近有新劇上演嘅超儀話，最能夠測試反應啲動作，就係走到超巿行一圈，試看巿民能否叫出自己喺戲中嘅名字，超儀話：「阿爸都有睇，全屋企人都有睇，有叫阿姨睇，自己有錄低。」

對於吳啟華離婚消息傳出，超儀話待新劇結局慶功時，或者會安排一個派對，到時再安慰啟華。

超儀今次製作新碟邀請咗范曉萱、盧凱彤等歌手合作，超儀笑指今次大碟首次同老公陳子聰合作，超儀話：「因為大碟唔夠歌，所以搵咗廿四味幫我做兩首歌嘅remix，老公幫我rap一隻歌，rap英文唱兩句國語。」