當年今日
關於我們

【逆權運動】阮民安不屑林鄭撤回條例 拒絕收貨:香港人唔會停

蘋果日報 2019/09/04 18:38

林鄭月娥阮民安逃犯條例反送中

逆權運動抗爭近3個月,逾百萬市民上街和不合作運動遍地開花,爆發連場警民衝突,在克警的鎮壓下,很多示威者和市民都受傷流血兼被捕,民怨沸騰!一直企硬漠視市民五大訴求的特首林鄭月娥,今日發表電視講話,終於肯撤回《逃犯條例》,但對其餘4大訴求卻置若罔聞,依然堅拒設獨立調查委員會。
對於林鄭終於宣佈撤回《逃犯條例》,市民議論紛紛,而多次上街反送中的阮民安揚言唔收貨,他以短訊回覆《蘋果》:「無可能收貨!69當晚即講撤回,香港人會接受!但今日講已經太遲!撤回咁少嘢,根本一早就要講,同埋搞到香港撕裂係班執法者。總之一日唔回應五大訴求,香港人一日都唔會停!」
而在林鄭講話播出前,阮民安已在社交網鬧爆:「邊個話收貨X邊個!唔知一陣間佢會講乜,宣佈啲乜!但係如果而家先講撤回,我想同妳講:已經太遲了!我哋香港人無人會接受!五大訴求,缺一不可!已經係最低消費!同埋妳知唔知道妳呢兩個幾月已經將香港最腐壞嘅根,坦蕩蕩咁畀晒全香港人睇!想香港人就咁算?會唔會太天真嬌咗小小?另一論點係,如果之前已經係『壽終正寢』,咁又何來有嘢需要撤?定由頭到尾都係X噏Hea全香港人?」
阮民安又忠告林鄭:「如果妳一陣係决定跪低,唔該妳畀啲誠意!定係準備宣佈埋緊急法?不過一陣佢如果宣佈撤回又會有一班無腦藍絲、唔好阻住佢哋搵食嘅中立X話,人哋咪撤咗,跪低咗啦,您哋仲要點先肯停?歡迎大家喺留言度話再教育佢地一吓!不過雖然我知道無用!但係我哋對住啲無腦嘅都希望救得一個得一個啦!(盡量)」
-----------------------------
【撐學生】
召集有心人 撐學生全年睇《蘋果》
立即按此
empty
互聯網圖片