當年今日
關於我們

【聽住黎明嚟打機】演唱會尾二場次 千人結集願你今夜別離去

蘋果日報 2016/05/06 06:00

黎明蘋果演唱會香港黃心穎吳業坤即時驚喜娛樂核心外圍

「你哋開唔開心呀?你哋開心我就安心!」

「坐後排高位嘅觀眾,係咪涼爽啲呢?」

謝天謝地謝Leon,雖然之前有雷暴警告,但今晚黎明開騷,天公造美,只係比較熱,好彩無落雨亦間中有微風。

今晚係尾二一場個唱,核心外圍仍然有過千人留守,聽黎明唱歌。市民繼續帶埋食物嚟野餐聽live,不過食ParmaHam嗰班已經唔見咗,食老麥就有好多。場外仲有人揮螢光捧添。唱《願你今夜別離去》同《越夜越有機》音樂響起,核心外圍繼續千人歡呼。

時裝設計師何國鉦都有入場睇騷,不過唔知佢係咪有啲悶定點,竟然喺度打機……