勤＋緣媒體服務（2366）有唔少基金大孖沙鍾情，集團現價又挨近歷史低位，一於同基金齊齊坐貨。勤+緣股東名單當中，揸咗5%而曝光嘅基金大孖沙東洋國AdvantagePartners、花旗國KabouterManagement及祖國建銀國際，基金味道濃厚。而集團現價講緊1.29元，同04年歷史低位0.95元唔係相差太遠，殘到不得了。又睇番本業，勤+緣由09年半年度大出血4億元，轉為2010年半年度盈利4000萬元，有龐大內需市場做後盾，照計集團媒體廣告業務，長做長有。又係咁易計數，勤+緣的2010年度純利上番1億元，預期PE得9.5倍，實情抵買非常。勤＋緣再跟個市調整仲好，吼實5月低位1.11元，唔怕撈番轉，擺中線博翻一番到2.22元，到時，集團嘅預期PE都係16倍，ChinaPlay仲係叫平。

東方表行博炒業績

東方表行（398）會在15號公佈2010年度（3月底止）業績，相信受惠下半年度經濟復蘇，集團全年度張成績表，應該有番啲睇頭，兼扭轉上半年度倒退情況。而東方表行PB得0.54倍，點秤都係最平嘅鐘錶零售股。呢轉短打博炒業績，東方表行PB係咁易收窄到0.7倍，目標價2.59元，PB未有耐追到上同業，但講緊潛在回報率都近30%，有魚有肉。
錢雋