地產代理為搵客，街頭兜客、攔路截車，施盡渾身解數，不過，對睇樓人士嚟講都幾煩厭。clyu0120喺《香港討論區》發起投票活動，問吓網友對地產經紀喺街頭兜客嘅感覺係點，結果負面評價居多。

Hkleekinwo話：「今日去睇美孚某個盤，本來想魚目混珠跟前面睇樓家庭（已經有地產經紀吼實），點知佢有通行證，搞到我要行去排隊，難免俾經紀圍啦！」

Alan00就話：「有啲真係太後生，畀唔到說服力人，有時見佢地三五成群企喺度食煙，好似拍緊《古惑仔》咁。」laufei講：「在下曾經見過好多次為爭客而打架，真係好唔得。」

ssshiu就講：「坦白講，我唔介意佢哋個個都嚟問我一句睇唔睇樓，最怕佢哋態度惡劣，一聽到唔睇樓，會死纏住你，最難聽嘅係『睇你個樣都係買唔起㗎嘞！』暴露晒呢位仁兄嘅修養。」
可能樹大有枯枝，程式狩獵人為其他地產經紀抱不平：「將心比己，如果有人用『乞兒、暴民、爛仔』嚟形容自己嗰行，你會舒服咩？大家都係打份工啫！」kent亦話：「唔使講到呢行好似鬼見愁咁，每一行都有害群之馬。」
呢啲搶客手法可能只係香港特色，台灣妹就分享當地賣樓情況，「剛來香港時，都覺得好奇怪，因為台灣嘅工地就有促銷單位，歎住冷氣睇樓，唔使咁尷尬啊。」
http://www11.discuss.com.hk/viewthread.php?
tid=3820487&extra=page%3D4&page=1