衞冕嘅曼城周三晚喺英超主場以2:0贏咗卡迪夫城,喺聯賽榜反超利物浦一分,升上榜首。
主隊前鋒阿古路受傷,領隊哥迪奧拿亦明顯有後顧之憂,刻意收起多位常規正選,不過實力仍然明顯佔優。上半場六分鐘,曼城中場奇雲迪布尼窄位抽射,轟入一球世界波,客隊門將艾法列治欲救無從。去到19分鐘,曼城左閘辛真高受傷退下火線,由基爾獲加入替,呢個亦係曼城今場唯一一次嘅調動。「藍月」完半場前再入多球,加比爾捷西斯禁區內傳畀利萊辛尼,佢第一時間左腳抽射破網,曼城最終憑呢兩個入波輕取卡迪夫城,全取三分。賽後佢哋以80分反壓少1分嘅利物浦升上榜首。