粉絲送禮物畀偶像真係包羅萬有，當中最Hit不外乎花啦、朱古力啦、心意卡啦、相啦等等等等。但有時，都會收到一啲另類禮物。

好似容祖兒(Joey)，經常往返內地開工，噚晚佢喺微博放相，上載一張成都粉絲送畀佢嘅糖，不過呢款糖好特別，或者係好重口味先啱，因為糖名叫「狗~~屎~~糖」﹗

當然，粒糖唔係真係用狗屎造啦，其實係麥芽糖（或豆香糖）一種，係雅安特產嚟嘅。因為呢款糖嘅形狀同顏色都極似狗屎，所以就命名「狗屎糖」，雖然粒糖外型睇落麻麻，但原來食上嚟味道幾香喎，唔知祖兒試咗呢款糖未？