泛民最終或派出近200人出戰選委會，有泛民選委候選人稱，原本要有150勝出的難度已經極大，因為只要多過一成候選人落敗已經「唔使玩」；現在區選大敗，泛民支持度陷於歷史低位，士氣也大受打擊，現在要他們再搞另一場選戰，就算人力、資源上不成問題，政治意志及信心已大打折扣，部份為泛民拉票的專業人士更加「冇晒心機」，「點搞都冇用，家咁樣嘅勢，都係輸多過贏」。
另一名泛民中人更指，今次泛民在不少中產區大幅流失選票，而中產區有不少專業人士，他們可能同時屬選委會選民，若他們在區選也不投票給泛民候選人，「去到選委會選舉，有幾多會回心轉意，投番泛民選委先？我睇唔到有好多人會轉」。他又認為以目前政治氣氛，北京根本完全不用出手打壓泛民，「泛民家已經重傷，要再拎150票選委入場券已經好困難」。若果泛民無法取得150票選委入場券，即泛民不會有代表選特首，「最開心梗係梁振英喇！佢又多個理由爭取阿爺畀佢入閘，冇理由畀唐英年自動當選」。