【新增網民意見、新增影片】

將軍澳日出康城LP6昨天中秋賣樓，其中一名買家黃小姐稱一家夾份畀首期幫90後細佬上車，被問到用多少錢入市，她一面豪氣地說:「500零萬咋嘛」，其母亦指，「我地屋企大時大節都會買樓，生日呀、父親節呀，中秋節買份中秋禮物，10月1號再嚟過啦！」。（詳見： http://bit.ly/2zurW8g）

黃小姐一家買樓，成為昨天樓市熱話。其後有網民發現，黃小姐是任職地產代理。網民Wilson Wong留言:「佢是西半山Top Sales,堅有錢」。

中原地產向本報證實，昨天LP6買家黃小姐是該公司員工，以下是黃小姐對買樓作出的回應。

「已參予該項目三次抽籤，很高興家人昨日於LP6抽得前籌，最後成功以$500餘萬購入LP6單位，適逢中秋節翌日家人成功置業，份外興奮。黃小姐指，多年來靠於地產代理行業打拼，累積資金皆用來投資物業市場，而適逢多年來買樓皆為節日或家人喜慶日子，因此覺得昨日家人成功置業亦別具意義。」

「本人為小小經紀，一如所有香港人努力打拼，將所得金錢投放於物業市場，乃小事一樁，本人與家人多謝 貴報訪問，還望 貴報可將本人及家人資料低調處理。」

屬「80後」的黃小姐英文名Jennifer，現為中原西半山高級分區經理，從事地產代理行業約10年。她表示，今次家人買樓，純粹是買入自用，不是炒賣，即使未來可能加息，自己計啱數，能力負擔到就買。

以下擷錄網民留言：
Candy Li：佢話大時大節就買樓，幾豪氣，佢媽買到自己買咩地方都唔知。
Michael Liu：雖然搵到錢，做人謙虛啲好。
蔣大利：我信佢唔係媒，因為好多香港人真係對個樓市充滿信心嘅，佢最多咪衰天真同輸身家啫……

記者:朱連峰

全球樓行 Dream House零距離
https://hk.feature.appledaily.com/overseasproperty