體壇拾趣:
迪祖行善獲威廉王子頒獎

蘋果日報 2012/12/10 00:00


澳洲電台主持人冒認英女王,打電話畀凱特王妃入住嘅醫院,結果搞出人命,成為全球頭條新聞。事件主角之一、凱特老公威廉王子上周六喺倫敦出席慈善頒獎禮,頒獎畀網球「1哥」迪祖高域。迪祖名下嘅慈善基金致力幫助貧困兒童,使佢哋都可以有適當嘅學前教育,迪祖喺10月仲同運動服贊助商合作,推出特別版T-shirt,至今籌到逾1,000萬美元,獲得呢個慈善大獎,的確係實至名歸。專誠到倫敦領獎嘅迪祖話:「呢個獎對我嚟講好重要,我會繼續努力,幫助有需要嘅兒童,改變佢哋嘅命運。」