【本報訊】岑子杰連番受襲，他直言過去30年沒有得罪任何人，唯一遇襲原因相信擔任民陣召集人有關，估計有人認為民陣申請遊行，會令反修例運動的社會氣氛繼續延續，「所以佢（想）透過攻擊我、襲擊我，等嚇到民陣唔敢再搞遊行」，他表明不會退縮，民陣會繼續為港人申請上街遊行。

岑子杰認為施襲者根本錯判社會形勢，目前不止民陣會申請遊行，「你（施襲者）打冧咗我，香港唔係淨係得我識得申請遊行㗎嘛，當香港連跑步都要申請不反對通知書，其實警方係培訓緊新一批人學識申請不反對通知書」，而民陣由50多個成員團體，不會因他一人受襲而受影響，即使警方近月拒向民陣批遊行不反對通知書，民陣仍會堅持申請，令「想出嚟但未必出到嚟嘅人」可以參與合法遊行。

受襲再激化社會矛盾

提到受襲事件激化社會矛盾，岑認為，社會憤怒是被特首林鄭月娥和政府的施政不當而激化，「個社會已經俾林鄭激化到一個程度，個憤怒已經去到一個極高溫嘅狀態，佢（指受襲事件）只係將呢種憤怒再延續落去」。

閉關休養多時，惟岑仍關心運動的情況。他觀察政府實施《蒙面法》後「香港人加油」變成「香港人反抗」，但他認為社會運動不應停留在「反抗」，而是步向「堅持、爭取」，擔心若運動流於反抗只會令運動如同03年反23條立法、反梁振英上台及雨傘運動一樣，「反抗完之後呢？共產黨放寬少少又收皮呀？」呼籲港人要堅持為香港爭取，成為有自由民主的地方，亦要堅守「五大訴求、缺一不可」。
■記者陳嘉裕