陳法拉的前夫、Neway大少薛世恆最近緋聞多多，先後被影到約會梁雨恩和趙頌茹食飯，法拉昨日與Twins在上環出席時裝活動時，大方回應謂：「人要向前望，唔會向後望，大家都係朋友，間中有聯絡同打招呼，希望佢開心。」法拉現長居美國進修演技，間中返內地及歐洲等地拍廣告，很少時間留港，故未有時間約薛世恆見面，問會否關心對方感情生活？她說：「佢都係好男仔，希望搵到個好女仔。」

法拉自言現在是單身，問有沒有追求者？她笑一笑說：「都係咁……我都係好女仔，但未有啱。」是否太揀擇？她說：「唔係，睇緣份，緣份未到。」法拉表示希望明年多留港拍電影，對無綫鬧藝員荒，法拉直言無綫曾邀她回巢拍劇，但自己未能配合，問如果遇到好劇本會否答應？她說：「短時間內未有計劃。」
另外，梁雨恩昨日在商台宣傳新歌，問到其緋聞男友薛世恆是否值得等？她坦言沒時間踏入戀愛，現工作為先，她說：「都冇乜機會見，大家都忙，電話溝通都少。」會否怕沒了下文？她說：「我都唔知，我等待啦，我亦唔知佢係咪我真正對象。」 提到趙頌茹被周刊影到與薛世恆一起，二人是否發展？梁雨恩即說：「梗係唔係啦，大家係同教會嘅弟兄姊妹，出出入入極度平常 ，影到大家食飯都好合理，唔使誤會。」
採訪：溫敏芝
攝影：陳慧安