日劇天后米倉涼子落實接拍朝日電視台10月開播新劇《Legal V~前律師．小鳥遊翔子~》，今次米倉唔做女神醫改演律師，仲為角色剪咗20cm長髮，首次以短髮造型上陣拍劇。

米倉在劇中飾演嘅小鳥遊翔子係被剝奪律師牌嘅精英，背景神秘嘅佢後來開設咗法律事務所，帶領弱小律師團隊對抗大型法律事務所，陣容仲有林遣都、安達祐實、勝村政信、三浦翔平，同埋向井理與小日向文世演米倉對手。

今日電視台再公佈菜菜緒會加盟，演大型事務所律師，為達到目的會不擇手段，與米倉係敵對關係，今次亦係兩人第三次合作。菜菜緒話之前喺《A LIFE~深愛的人~》扮過顧問律師，不過今次係首度扮演要上法庭打官司嘅律師，所以好緊張。

精選娛聞，喺晒《娛果》
http://fb.com/appledailyent