避孕責任過往多由女士肩負,對於日後或有男士避孕藥面世,曾在螢光幕上宣傳使用避用套、做個負責任男人的元華,昨興奮表示,「咁咪唔使用膠袋囉?我自己一向都係用避孕套呢種最傳統嘅方法。將來會唔會再生仔,真係好難講,聽到美國有男性服用嘅避孕新產品,都會有興趣試一試。大家第日又可以用少啲膠袋,響應環保嘛!」
性感女星張文慈非常贊成改由男性服用避孕藥,她說:「冇副作用嘅話,梗係建議男人食啦,點解成日要女人食啫。避孕丸唔係個個女人接受,有啲食咗會肥,有啲食咗荷爾蒙失調,有男性用嘅避孕藥非常好。我覺得如果個男人係愛嗰個女人嘅話,都應該負番責任咯。」
與港台DJ周國豐結婚約一年的利嘉兒說:「其實冇乜嘢呀,都係避孕嘅一種方法,最緊要冇副作用,我都接受男性避孕藥。」
本報記者