今晚金鐘每個角落都佈滿抗爭文宣，有份貼文宣的溫小姐跪在地上貼起一張又一張文宣，「要黐多啲等佢哋記住呢3個月嘅事」。她指，當年年紀太小，未有留意時事，認為並不切身，現時則感到，「唔係你唔理，佢就唔會搵上門，你唔去示威，都會畀人拉」。

她指，當年對傘運未有上心，後悔未有參與其中，現時參與遊行、聯署及捐錢等較和平的方式，「冇後面嗰班人，就冇前面（勇武）嗰班人」。

陳小姐亦未有參與傘運，「當時我唔係好知政治係乜嘢」，惟6.12後每次她無法不關心政治，「每一日都影響緊我哋，完全係恐襲咁發生係香港」。她稱6.12當日在現場和平集會，卻遇到催淚彈，「我完全接受唔到，受警方好暴力對待」。她指，翻看當年傘運新聞，「佢哋好有時事觸角，香港人係好需要五大訴求，缺一不可，之前已經要，係香港人未覺醒」。「黑白係良知，黃藍係政見」。

「警察嘅暴力冇停過，2014年佢哋都係濫用暴力、濫用警權，到今時今日敵視市民，越來越嚴重，破壞法治」。她坦言，認為是傘運失敗才導致今日情況，「如果當時爭取到雙普選，今日會唔同，我好後悔當日嘅無知，無份一齊付起呢個責任，同學生並肩而行」，故現時會積極參與抗爭，「相信邪不能勝正」。

5年前另一位陳小姐在金鐘，主要在物資站幫忙，她在87枚催淚彈施放前已離開，「好記得返到屋企睇電視見到放催淚彈，好震撼，冇諗過香港會出催淚彈，覺得政府已經痴咗線」，現時催淚彈以「放題式」施放，「對比而家，以前起好小兒科」。她感到時港人較以前更團結，不會再因小事分化，「不分化，不割席係好好」。

她稱，最記得當年爬石壆，有不少人幫忙，現時已學懂自己翻過石壆，又寄語港人謹記傘運失敗：「唔好拖下拖下就唔記得咗係咩，學識做啲咩就會失敗，雖然大家唔會行緊雨傘嘅路，大家摸索緊新嘅路，和平示威是沒有用的，即使今次失敗，之後嘅抗爭都唔會返到轉頭，返到去以前咁和平，已經冇得返轉頭」。

當年留守旺角佔領區的王先生，帶着5年前撐起的黃色雨傘，今晚亦來到添馬公園，當年是大學生的他，「落堂就落去靜坐，由細到大，老師都教要和平理性，任何暴力都唔容許」。他指，經過傘運，當時埋下的種子，5年後今日開花，現時抗爭形式及規模都以不同，亦沒有大台領袖帶領，「大家進步到唔同方式抗爭，兄弟爬山，各自努力」，用自己方法達成目標。

王指，傘運學識不應畏懼強權，「因為你一旦畏懼退縮，無人可以幫到你」。他在旺角親身經歷佔領區有黑社會人士破壞，「好多人，發晒顛咁，我哋唯一可以做嘅係保護啲帳幕，完全冇任何裝備，唔同今日咁」，他稱，若有人武力破壞，不再挨抗打逃走，今日必會自衞及制服對方。

-----------------------------

10.1國殤遊行

日期：10月1日（星期二）
時間：下午2時
地點：維園集合起步往遮打道
註︰警方正式發信反對

主辦︰民間人權陣線
-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》
《自由之夏》
-----------------------------
《囚牢之疆》 專頁
揭開集中營邪惡面紗
今日新疆 明日香港