林雪今日同傅家俊(Marco)喺觀塘一間桌球室，為Viu TV節目《約咗傅家俊》進行拍攝，林雪話拍攝期間佢哋仲送上蛋糕為啱啱過咗53歲生日嘅佢慶祝。佢又話最開心係睇到Marco打波，咁你自己識唔識打？佢話：「如果就咁篤個波入去嘅個個都識，但如果要好有鋪排咁佢打就唔識，頭先拍嘅時候我一個波都打唔入，但就係咁樣可以有機會睇到Marco一次過打曬啲波。」

林雪話打桌球好似捉棋咁，一步一步要有策略，同埋要好有耐性同修養，自己就一定唔得。問到近況，佢話：「呢排同時間拍緊四套戲，又做咗個廣告，雖然有啲攰，但好充實。」