【本報訊】中文大學迎新營活動出現性騷擾口號，引起身為中大前校長的教育統籌局局長李國章關注。中大性騷擾政策委員會將會調查事件，如認為事態嚴重，犯錯可被開除學籍。不過李國章則主張教導代替懲罰。

嚴重或開除學籍
部份中大學生在書院迎新活動大叫「含吹舐啜有方法」、「汁多肉厚好騎呢」等淫褻口號，引起社會輿論嘩然。李國章昨日出席公務員研討會後形容這是過份的行為，「如果做一啲嘢，我哋社會係唔接受嘅，咁就梗係過份，大學生喺社會上係有一個地位，你做嘅嘢，社會人士會關注，你唔可以自己鍾意做乜就做乜。」
他說今次事件反映大學生質素下降，但不應懲罰學生：「即係好似個細蚊仔咁樣，個個小朋友都會頑皮，咁你係唔係唔理呢？唔可以唔理，但係你話係唔係應該懲罰呢？我相信應該係教導。」
中大校方昨日為事件召開記者會，性騷擾政策委員會主席馬麗莊說，昨日收到一封中大學生投訴信，委員會正式展開調查，今日起接見投訴同學及其他涉及人士，調查結果會提交校長。新生輔導聯合委員會主席梁偉賢亦已收到投訴，他說其實有委員事發時在場，並企圖停止有關口號，但因「學生情緒太過高漲，制止唔到。」
中大輔導長鄭振耀承認，事件對中大形象有影響；他個人認為有關口號「唔得體，侮辱女性，甚至男性」，但最終仍須待調查結果才能下定論，而若屬實，最嚴重會開除學籍。

輕視校園性騷擾
中大學生會外務秘書丘梓蕙歡迎校方以積極開明態度處理事件，但批評校方過往低調處理校園性騷擾事件，令學生及社會都輕視問題帶來的傷害。她說若調查屬實，有關同學應公開道歉。中大迎新營活動一名女負責人夏同學昨日接受傳媒訪問時說：「我都承認啲口號係過咗火，都係為咗搞氣氛，搞都係搞半個鐘……我就覺得冇乜問題，係低級趣味㗎講真，但係其實係開心嘅。」
此外，港大利馬竇堂導師張嘉倫昨澄清，該宿舍今年並無學生在迎新活動中暈倒送院。