愛在深圳：
深圳情人節一條龍日誌由訂花到酒店
聽日就係情人節！各位男士若有個親密女友，卻覺得遇上農曆年喺香港唔夠浪漫，不妨跟住小記特別安排，到深圳與女友度過另一種情調嘅情人節：包括購買小禮物、送花、歎情侶套餐及餘興節目等。重頭戲係環境及情調一流嘅「雨花西餐廳」，該處獨一無二嘅空中鋼琴演奏，必令大家眼界大開，連明星如關之琳都幫襯過！
記者：梁煒健 攝影：楊錦文、陳穎
模特兒：June、郭彥挺
下午2:30
第一站昆明玫瑰冧女友
香港朋友上到深圳，通常會選擇下午時份，何況情人節更要花多啲時間扮靚！未赴約前，做人哋男友梗要預先去買花。深圳大部分花店花束售價均統一地「昂貴」，但要買到又大朵又靚嘅鮮花，配合別具心思嘅包裝，「網絡花店」亦屬不俗之選。呢度每束花均寫上冧女語句，如「深情網住一片涼夜星空，滿心歡欣喜悅只為你」，認真冧死女友！
深圳網絡花店
地址：深圳福田區中航路19號（飛亞達大廈地下側）
電話：(86755)3284427
營業時間：早上7:30至晚上10:30
交通：從羅湖關口前往，乘的士往約10分鐘，車費約?22。
下午4:00
第2站買銀器情侶首飾𠱁對方
到火車站接過女友細碼「深田恭子」，送上深情鮮花後，便同佢一齊買情侶首飾，你一件我一件，成雙成對夠晒甜！「SILVERFOUR」係日本銀器品牌，遠至加拿大都有分店。由於部分首飾喺國內加工，價錢更抵。情人節期間有三套情侶首飾半價發售，全部限量50套，行慢啲都冇得買嚟𠱁女友！
「ILOVEYOU」戒指彼此緊扣
以925純銀製造，鎖鏈作造型一扣緊接一扣，意味着「心心相印，永不分離」。
情話綿綿「ShallWeTalk」手機繩
真皮繩帶配以925純銀鏈釦，設計的確夠In兼有品味，加上鏈釦做工精細，一黑一紅襯晒熱戀中嘅年輕男女。
「永不分離」吊墜寓意深長
男性佩戴嘅吊墜為「Cross」十字架標誌，女方則為心形「Heart」圖案；兩者二合為一即譜成一句CrossMyHeart「發誓永不分離」。吊墜以925純銀做成，配真皮鏈繩。
SilverFour銀器專門店
地址：深圳羅湖區東門步行街T.O.T.頂尖時尚廣場D137號舖
電話：（86755）13902580757
營業時間：中午12:30至晚上10:00
交通：從羅湖關口前往，乘的士往約8分鐘，車費?12.5
晚上6:00
第3站空中鋼琴浪漫晚餐
空中鋼琴獨一無二
深圳版「反町隆史」同情人選購完鮮花同小禮物後，便雙雙到雨花西餐廳。餐廳面積達2,000平方米，配合歐洲後現代簡約派（SimpleLife）設計，吸引唔少深圳國企、領事館搞大型晚宴，連香港明星關之琳亦曾屬座上客。
雨花餐廳共有4間分店，以華強北路分店最具特色，皆因大廳入口處架着一部空中鋼琴，唔單止喺深圳，香港都冇咁嘅設計！
歎「驚豔」情侶餐
餐廳安排3款情人節套餐，小記特別推薦「驚豔」。頭盤有香草蘑菇法國田螺及海鮮湯，主菜有銀鱈魚拼大蝦或焗釀龍蝦，更有甜品及紅?白酒贈送，睇賣相已夠正斗，食落口就更可口，每位?288。
雨花西餐廳
地址：深圳華強北路上步工業區205棟2層
電話：(86755)3293318
座位：400
營業時間：早上11:00至凌晨2:00
交通：從羅湖關口前往，乘的士往約10分鐘，車費約?22。
晚上9:00
第4站打保齡增感情
食完燭光晚餐想搵節目消遣，跑去新開張「森美保齡球樂園」玩吓最好不過！保齡球場非常接近皇崗關口，可清晰接受香港手提電話。16條AMF專業楓木板球道，電腦操作，球道更獨有加設圍欄，打保齡唔怕碌落坑！平日最平每局?10，明晚梗要貴啲，每局?18至?20。
保齡場上結良緣
喺港深兩地做貿易生意嘅阿峰，一半時間在深圳，早半年前厭倦唱卡拉OK而改打保齡。佢從保齡球場上認識女友汪翠，每星期打兩次，兩人感情突飛猛進呢！
38歲郭先生為職業貨車司機，一向與郭太聚少離多，自打保齡後，家陣每星期有兩、三次陪太太一齊打保齡，現在兩人感情維繫不錯，至少有共同情趣話題更多。
森美保齡球樂園
地址：深圳福田區福強路深榮大廈3字樓（時代廣場對面）
電話：（86755）3873363?60314930（香港）
營業時間：早上9:00至凌晨2:00
交通：從羅湖關口前往，乘的士約10分，車費約?26。
凌晨12:00
最後一站：去酒店……
想同情人共度良宵，最好臨行前喺香港預先訂房，等聽日先到酒店WalkIn，實冇房㗎！
深圳酒店情人節收費
富苑酒店（五星級）
地址：深圳巿南湖路3018號
電話：(86755)2172288
香港訂房電話：23756580
訂房收費：?680（加15%服務費）
晶都酒店（四星級）
地址：深圳巿深南中路金融中心大廈
電話：(86755)2247000
香港訂房電話：27322020
訂房收費：?550（加15%服務費）
新都酒店（四星級）
地址：深圳巿春風路1號
電話：(86755)2320888
香港訂房電話：25980363
訂房收費：HK$580（淨價）