香港十大富豪劉鑾雄老婆甘比（陳凱韻）做咗香港女首富後，真係明星朋友都多咗唔少，近年嚟同佢行得最埋就肯定係鍾楚紅同鄭秀文（Sammi），基本上佢哋每個月都會約見面，而且佢哋三姊妹見面都唔會帶其他人去，即係甘比都可以撇低老公同仔女，輕輕鬆鬆同老友敘舊，八八卦卦，談論天南地北。

噚晚佢哋呢個鐵三角又出嚟啦！事後Sammi擺咗一條片上Ig，其實佢哋係想影相，但Sammi用手機自拍時，可能唔熟手機操作，所以變咗係錄影，佢哋3個儍吓儍吓都忍唔住大笑起嚟。Sammi留言：「以為影緊相，原來係拍緊video，相信大部份的手機人士都曾經犯過這種戇居和老尷。哈哈！好了！聚完這一晚，我又要修心養性回歸工作，低低BB又一晚，蜜聚一聚，聚完唔會頹！」

精選娛聞，喺晒《娛果》
http://fb.com/appledailyent