【為演出家中狂練】王嘉儀入院工作被延期 靠聽歌捱過休養日子
蘋果日報 2017/06/24 16:21
許廷鏗微創王嘉儀
（攝影：曹家誠）
創作歌手王嘉儀今日喺旺角朗豪坊演出，佢話自己係第一次喺商場度做live show：「為咗今次演出都練咗好耐，不停喺屋企彈嘢。」王嘉儀透露早前因病入咗醫院留院咗幾日，問到原因，佢話：「都係啲婦科病啦，要做微創手術，之後喺屋企都唞咗成個星期，好彩有屋企人陪我，喺醫院嘅時候冇嘢做，惟有WhatsApp朋友同聽歌。」
問到工作有冇因此而延誤？王嘉儀話：「有㗎，休息咗一個星期，啲工作就遲咗一個星期囉，所以o依家要慢慢做番。好似啱啱就同許廷鏗合作咗首新歌叫做《根》，嚟緊都要周圍做宣傳。」
王嘉儀話自己剛入過院，休息咗一星期，o依家要pick up番之前啲工作。
王嘉儀為咗今次首個商場live show，喺屋企狂練。