明晚（11日）谷戰第六場四班1650米，「歡喜心」今季狀態平常，表現亦未如理想，跑咗八場最叻就響季初跑過一次第三。

但眼見多跑狀態逐漸有起色，評分亦大減咗12分之後，今場可以重返第四班角逐，計級數已經贏咗。

仲要用到七磅仔陳嘉熙，孭磅更加輕，跑過「維港奔流」後，外界更加唔信呢個細路仔，有番啲分頭而再戰強項，形勢不一樣就更加唔可以錯過。

第七場三班1200米，「閃耀榮光」阿棟曾經講過呢匹馬響第三班點都有一番成就，但苦戰半季仲係得個近字，未贏馬就繼續搏。

上場用到莫雷拉兼初跑谷中，跑到一席第二已係季內最好一場。

效果唔差後今場前試埋閘先跑，戰意無限，落腳快嘅馬唔怕檔曳，莫雷拉再騎就係信心保證，吼實一定無錯！

第八場三班1800米，「肥仔威威」先後用過潘頓同莫雷拉都無法收服，但三仗前用上何澤堯就發現咁先最夾檔，三戰交出兩冠一亞。

最勁係上場初跑三班賽都可以後上輕取對手，咁就睇到除咗人馬合拍，馬匹仲響大熟期，乘勇再臨，可望再下一城。

-------------
【馬後炮】520萬拍賣馬一步都冇！
棟哥繼續鬧爆呃錢馬呃錢騎師！
-------------
【足總主席專訪】曾填錯飛都中580萬三T！
貝鈞奇：年青一代要發揮港人永不放棄精神 --
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播 　健身壹App過！
一按即玩