韓國女團f(x)前成員Sulli，自今年6月現身為主演新片《Real》宣傳後，就甚少公開露面，只係透過Instagram公開近況。而不時晒意淫、飛釘照嘅Sulli，近日似乎正常返只係上載自己嘅靚靚自拍照。

早前盛傳Sulli翻撻舊愛、組合Dynamic Duo成員崔子，不過Sulli方面一直保持沉默冇回應，而Sulli繼續懶理傳聞，噚日喺IG晒新相冧粉絲，只見Sulli穿上吊帶睡衣，瞓喺床上笑得勁開心，但Sulli卻搞鬼留言自稱要同自己結婚，唔少粉絲留言大讚Sulli靚女後趁機求婚，相當盞鬼。