沙士一度令樓市跌入深谷，不過卻有一班勇者入市趁低吸納，發沙士財。其中資深投資者「玩具鄭」鄭躬洪就指當時敢入市，其實自己都無咩信心，「無咩信心反彈，但果陣時候反正有閒錢，咁就搏一搏，(買樓就算蝕都唔肉赤？)係啦，果個價位咁低的時候，我都幾十歲人啦，87年又好97年又好，中潮或者最低潮買入，差極有限。」

他補充道，「果陣時平呀嘛，好似買股票咁，當然大跌市果時，搏一搏！當然有風險，任何投資都有風險，點知佢(樓市)會唔會再低，但果陣時衰得咁交關，估計都唔會再低掛。」事實上雖然抱住博一博的心態，但他就指「每個交易都是經過心思熟慮，不過個市係好Hit好旺，好似07年果時，升得好快好急，就當然無咩時間考慮咁多，個價差唔多就買。」

他認為，「香港買磚頭好少人輸，最多贏多贏少啫，如果有持貨能力，長揸的話幾時都唔會輸。」對於現時樓市，他直言，現時樓市處於高位，入市要好小心，並補充「住宅就真係好貴，無咩好投資。」

鄭躬洪透露自己於沙士肆虐期間，只購入幾間港島區物業，不過災情完後才有心情入市。翻查資料，鄭躬洪於2003年9月1,980萬元購入舂坎角物業，購入不足一個月以3,500萬元沽出，速賺1,520萬元。

蘋果財經，關心你飯碗
http://fb.com/appledailyatm