今日咩環境？
蘋果日報 2019/10/01 12:05
今日咩環境場地掛牌田草A加3欄
沙田今日十場賽事採用田草A加3跑道
這天（1日）田草十場賽事用A加3跑道，度地儀指數2.71，場地掛牌為好地。如天氣情況許可下，將按計劃在第6場後進行壓地。
睇番上季國慶賽馬日亦係用A加3欄，當日掛牌為好地及度地儀指數2.71，全日八場轉彎路程賽事，除了「鋒芒畢露」及「美麗傳承」放頭勝出外，其餘頭馬俱守中後位置，入直路憑後勁建功。
其中，「清新動力」、「環保動力」及「好運多贏」更加單憑一條直路在尾叠追上贏馬，靠後勁食糊馬不妨秤先。
今戰列陣馬中，第八場「一片光明」三次角逐田草A加3欄1200米仍然未逢敵手，今次返回強項，有力重開勝門。
另外，頭場「惜多福」兩次跑田草A加3欄未失前四名，亦係全場唯一曾在此移欄上名之參戰馬，憑出色場地性能值得睇好。